2017 yildan Isroilda polietilen xaltalar ham pulli bo‘ladi

Isroil knesseti (parlamenti) 2017 yildan boshlab do‘konlarda polietilen xaltalarning tekin tarqatilishini taqiqlash to‘g‘risida qaror qabul qildi.

Bunday qaror atrof-muhitni muhofaza qilish maqsadida kiritildi, deb xabar beradi RIA “Novosti” parlament matbuot-xizmatiga asoslangan holda.

Shunday qilib, yangi yildan har bir xaltaning narxi 0,1 shekel, taxminan 75 so‘m atrofida bo‘ladi.

Xabarida bildirilishicha, ayni paytda istalgan xaridor mamlakatda do‘kon kassalarida xohlagancha polietilen xaltalarni olishi mumkin. Bu esa atrof-muhitga jiddiy ziyon yetkazadi.

Isroil ekologiya vazirligi ma'lumotlariga ko‘ra, Isroilda 8 million fuqaroning har biri yiliga o‘rtacha 275 ta polietilen xaltadan foydalanadi. Mamlakat miqyosida bu 2,2 milliardga to‘g‘ri keladi.