Android N kuchsiz qurilmalarning unumdorligini oshiradi

Android N yaratuvchilari o‘z e'tiborlarini eski qurilmalarning unumdorligini yaxshilashga qaratmoqdalar. Bu haqda Android Police nashri xabar bermoqda.

Nashrning ta'kidlashicha, yangi operatsion tizimning dizaynida bir nechta global o‘zgarishlardan tashqari, dasturchilar qurilmalarning barqaror ishlashi va unumdorligiga urg‘u berishga qaror qilishdi. Eski qurilmalarda Wi-Fi faollashtirilishi va gadjyet egasining surat yoki videoga olish vaqtida kuzatiladigan kichik osilish to‘g‘rilanadi.

Operatsion tizimning bunday o‘ziga xos jihatlari birinchi navbatda kuchsiz xarakteristikaga ega smartfonlar miqdorining ko‘pligi bilan bog‘langan.

Android N – Android operatsion tizimining navbatdagi versiyasining ishchi nomlanishi bo‘lib, u birinchi marotaba joriy yilning 9 martida sinov-versiyasi sifatida Nexus qurilmalari uchun chiqarildi. Operatsion tizimning barqaror versiyasi yil o‘rtasida chiqarilishi kutilmoqda.