Chikagoda noma'lum shaxs Vest-Garfild bog‘i yaqinida odamlarni o‘qqa tutdi. Oqibatda ikki kishi halok bo‘lgan, yana bir kishi yaralangan. Bu haqda Chicago Tribune gazetasiga iqtibos keltirgan holda TASS axborot agentligi xabar bermoqda.
Jinoyatchi erkak va ayolni o‘ldirgan, 16 yoshli o‘smir esa oyog‘idan jarohat olgan. Hozirda u shifoxonada bo‘lib, uning hayotiga hech narsa xavf solmayapti.
Voqea joyida politsiya xodimlari ish olib bormoqda. Ular jinoyatchini qidirmoqdalar. Uning shaxsi va jinoyatining sabablari haqida hech narsa ma'lum emas.