FIFA.COM: O‘zbekiston 7 iyunda Kanada bilan o‘ynaydi

FIFA rasmiy sayti xabariga ko‘ra yozda O‘zbekiston terma jamoasi Kanadaga qarshi o‘rtoqlik uchrashuvi o‘tkazadi, deb yozadi championat.asia nashri.
Unga ko‘ra O‘zbekiston milliy terma jamoasi 7 iyun kuni Kanada terma jamoasi bilan o‘rtoqlik uchrashuvi o‘tkazadi. Bu borada hozircha O‘FF ma'lumot bergani yo‘q. Kanada terma jamoasi sahifasida Ozarboyjon va O‘zbekistonga qarshi o‘ynashi belgilab qo‘yilgan.
Eslatib o‘tamiz, O‘zbekiston terma jamoasi hozirga qadar Shimoliy Amerika davlatlariga qarshi umuman o‘yin o‘tkazmagan.