Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Fan-texnika | 08:00 / 19.04.2016
    1803
    1 daqiqa o‘qiladi

    iPhone savdosi 1-chorakda 43,8 foizga tushib ketdi

    Apple kompaniyasi 2016 yilning 1-choragida 42 mln dona iPhone sotgan, bu esa 2015 yilning 4-choragidagi ko‘rsatkichdan 43,8 foiz kamroqni tashkil qiladi. Bu haqda TrendForce kompaniyasi tadqiqotiga iqtibos keltirgan holda Fortune nashri xabar bermoqda.

    Shuningdek, 2016 yilning 1-choragida smartfonlar savdosi 2015 yilning 1-choragiga nisbatan 12 mln donaga kamayib ketgan. O‘shanda 55 mln ta smartfon sotilgandi. TrendForce tahlilchilarining ta'kidlashicha, iste'molchilarning ayfonlarga qiziqishining pasayishiga qurilmalardagi funksionallikning sezilarli kengaytirilishi yo‘qligi sabab bo‘lgan.

    Shu tariqa, Apple’ning smartfonlar bozoridagi ulushi avvalgi chorakdagi 20,9 foizga qarshi 14,4 foizni tashkil qilmoqda. Kompaniya bir yil avval bozorning 19,9 foizini egallagan. Tahlilchilarning prognozlariga ko‘ra, kompaniya joriy yilda 213 mln dona smartfon sota oladi, bu esa o‘tgan yildagiga nisbatan 10 foiz kamroqni tashkil qiladi.