Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Fan-texnika | 15:11 / 28.04.2016
    3160
    2 daqiqa o‘qiladi

    Lego o‘yinchoq Porsche ishlab chiqdi

    Kostruktorlar ishlab chiqaruvchisi Lego 1:8 masshtabda Porsche 911 GT3 RS treklar uchun mo‘ljallangan superkar modelini namoyish etdi. Modelning o‘ziga xosligi shundaki, u ikki tirkama (stsepleniye)li robotlashtirilgan PDK qutisiga o‘xshatilgan to‘liq funksionallashtirilgan mexanizmga ega.

    Porsche 911 GT3 RS kupesi to‘rt litr hajmli 500 kuchli quvvatga ega motor bilan boyitilgan.

    Mashinada oldinga va orqaga yurish – “Drive” va “Reverse” rejimlari bor. Lego ishlab chiqqan Porsche 911 GT3 RS rul boshqaruvi, tormoz boshqaruvi hamda olti silindrli motorning harakatlanuvchi porshenlariga ega.

    Bundan tashqari, yangi o‘yinchoq-mashina haqiqiy old panel, rul chambaragi va boshqa qurilmalar bilan ta'minlangan. Har bir mashinaga alohida seriya raqami beriladi.

    Lego Technic Porsche 911 GT3 RS jamlanmasi 2704 tarkibiy qismdan iborat. Konstruktor bilan birga kollektsion albom ham taqdim etiladi. Unda o‘yinchoq modelni yig‘ish bo‘yicha batafsil ko‘rsatmalar va haqiqiy yo‘l avtomobili to‘g‘risida to‘liq ma'lumot berilgan.

    Konstruktorlar savdosi Germaniya va Avstraliya Lego do‘konlarida 1 iyundan, boshqa davlatlarda 1 avgustdan boshlanadi. To‘plam bahosi 299,99 yevro.