Ma'lumki, HP Pavilion klassik noutbuklari asosan 3 xil ko‘rinishda ishlab chiqariladi. Ular 14, 15,6 va 17,3 dyuymli ekranlar bilan farqlanadi. Endilikda, ishlab chiqaruvchi ularni ayrimlarining qalinligi hamda vazni ajdodlariga qaraganda 11-22 foizga kamaytirilganini ta'kidlamoqda.
Misol uchun, HP Pavilion 14ning qalinligi 19,5 mm bo‘lgani holda vazni 1,5 kgni tashkil etadi. HP Pavilion 15 esa, 22,5 mmli qalinlikda 1,93 kgga tengdir. Yangiliklarni klaviatura yonidagi bo‘sh hududlarga tushirilgan to‘g‘ri chiziqlardan ham ajratib olsa bo‘ladi.
Kompaniya HP Pavilionning 2016 yilgi modellari hisoblash negiziga Intel va AMD chiplarini asos qilib olgan. Birinchi holatda, Skylake avlodining Core i7 chiplarigacha qo‘llanilsa, ikkinchi rusumida AMDning A12-9700P chiplari haqida so‘z boradi.
Albatta, ushbu protsessorlar eng qimmat noutbuk to‘plamlarida NVIDIA GeForce 940 / GTX 950M / GTX 960M yoki AMD Radeon R7 videokartalari bilan juftlikda ishlaydi.
HP Pavilion ixcham kompyuterlarining yangi avlodi boshqa tasniflariga shuningdek, Windows Helloda foydalanuvchi yuzini aniqlash imkonini beradigan Intel RealSense kamerasi, 16 Gbaytgacha operativ xotira, Bang & Olufsen mutaxassislari tomonidan kuchaytirilgan stereodinamikalar hamda ma'lumotlarni saqlash uchun turli ko‘rinishlardagi xotira bazalari (SSD do 512 Gbayt, HDD do 2 Tbayt i HDD + SSD do 2 Tbayt + 128 Gbayt)ni kiritish mumkin.
Bundan tashqari, noutbuklarning yirik vakillari qoidaga muvofiq Full HD IPS-matritsalari bilan jihozlangan. Shu bilan birga, ularning sensor displeyli namunalari ham sotuvga chiqariladi. Arzonroq modellari esa 1366 × 768 nuqta o‘lchamli ekranlarga ega bo‘ladi.
HP Pavilion 14” ning yangi avlodi xaridorga 540 dollarga tushadi va iyun oyida savdoga chiqariladi. 15,6” va 17,3” li modellari esa Amerika chakana savdosida bir oy oldinroq chiqib, 580 va 900 dollar atrofida sotila boshlanadi.
