Robotlashtirilgan bosh yuvadigan qo‘l (video)

Motherboard portali jurnalisti Simona Gerts (Simone Giertz) kunlik maishiy amallarni yengillatishga xizmat qiluvchi robotlashtirilgan moslamalar o‘ylab topishi bilan mashhur.

Uning so‘nggi ixtirosi – bosh yuvuvchi robot qo‘l. Moslama ichki akkumulyator, Arduino Uno apparat platformasi va ikkita servoprivod hisobiga ishlaydi. Ulardan biri idishdan shampun siqib chiqaradi, ikkinchisi roboqo‘lni harakatga keltiradi. Roboqo‘l sochda shampunni ko‘pirtirishga urinadi. 

Taklif etilgan usul tonggi yuvinish marosimlariga sarflanadigan vaqtni tejab qolishga imkon beradi, demak, ishga yoki muhim uchrashuvga kech qolish xavfini kamaytiradi. 

Har doimgidek, ushbu ixtiro mukammallikdan ancha yiroq. Biroq Simonaning robotlashtirilgan yordamchilarini hazil bilan taqdim etishi jarayonni qiziqarli bo‘lishini ta'minlagan.