"Obamka" muzqaymog‘i ishlab chiqarilishi to‘xtatildi

Avvalroq AQSh prezidenti Barak Obamaning nomiga o‘xshash "Obamka" muzqaymog‘i ishlab chiqarishni boshlagan Krasnoyarskning "Slavitsa" kompaniyasi muzqaymoqni ishlab chiqarishdan voz kechdi, deb xabar bermoqda mahalliy Chelny-biz nashri. Kompaniya vakili "Obamka" brendi ostida ishlab chiqarilgan muzqaymoq partiyasi faqatgina sinov tarzida ishlab chiqarilgani, kompaniya esa irqchilikda ayblangandan keyin muzqaymoqni boshqa ishlab chiqarishni istamayotganini ma'lum qildi. 

Nashrning ta'kidlashicha, "Obamka" g‘arbda alohida e'tibor tortgan. Yetakchi xorijiy nashrlar, jumladan The Times va The New York Times nashrlari kompaniyani bunday nomdagi muzqaymoq ishlab chiqarayotgani uchun tanqid qilishgan.

Kompaniya tanqid qilinmagunga qadar uni bunday nomdagi muzqaymoq ishlab chiqarish xavotirlantirmagandi, kompaniya vakili esa aynan siyosiy vaziyat "Obamka"ning ishlab chiqarilishiga sabab bo‘lganini aytgandi.

Muzqaymoq o‘rami dizaynida sobiq ittifoq davrida yaratilgan "Chunga-Changa" multfilmidagi qora tanli, chap qulog‘ida sirg‘a bor bola qiyofasi ishlatilgandi. Muzqaymoq ishlab chiqarilayotgani va sotilayotgani haqidagi xabar 5 may kuni paydo bo‘lgandi.