Rossiyada elektron mehnat daftarchalarini yo‘lga qo‘yishmoqchi

RF Mehnat vazirligi Rossiyada elektron mehnat daftarchalarini yo‘lga qo‘yish ustida ish olib bormoqda. "Komsomolskaya pravda" xabar beradi.

Bu yangilik kadrlar bo‘limidagi ishlarni osonlashtiradi, qog‘ozbozlikni qisqartirishga imkon yaratadi. Xodimlar to‘g‘risidagi barcha shaxsiy ma'lumotlar pensiya jamg‘armasiga elektron ko‘rinishda yuboriladi. 

"Elektron mehnat daftarchalarini yo‘lga qo‘yish masalasi va umuman bu mavzu muhokama qilinmoqda. Biz shu ish ustida ishlayapmiz hamda bu masalada nima qilish mumkinligi haqida bosh qotiryapmiz", - dedi Mehnat vaziri o‘rinbosari Lyubov Yeltsova.

Davlat dumasi majlisida u yengillashtirilgan tizimni 15 kishidan kam ishchisi bo‘lgan mikrokorxonalarda sinab ko‘rishmoqchiligini aytdi. Ulardan qog‘oz ko‘rinishidagi mehnat daftarchalarini yuritish talab qilinmaydi.