Ukrainada Yevropa kuni nishonlanmoqda

Ukrainada Yevropa kuni tantana qilinadi, deb xabar qilmoqda «112 Ukraina».

Shu munosabat bilan, 21 va 22 may kunlari mamlakatning barcha shaharlarida bayram marosimlari bo‘lib o‘tadi. 

Ukraina prezidenti farmoniga ko‘ra, Yevropa kuni 2003 yildan boshlab, may oyining uchinchi shanba kuni bayram qilinadi. 

Yevropa kuni - mamlakatning Yevropa integratsiyasi tomon strategik yo‘nalishni tanlashi va YeIga a'zo bo‘lishga intilishi timsoli sifatida nishonlanadi. 

Bundan tashqari, Ukrainadagi Yevropa kuni, mintaqada istiqomat qiluvchi barcha millatlar tarixi, qadriyatlari umumiyligi va birligini namoyon etadi. 

Yevropaning boshqa davlatlari, 1950 yildan boshlab Yevropa kunini 9 may kuni bayram qiladi.