Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Sport | 11:17 / 22.05.2016
    3639
    2 daqiqa o‘qiladi

    Mircha Luchesku "Shaxtyor" bosh murabbiyligidan ketdi

    Ruminiyalik tajribali mutaxassis Mircha Luchesku Donetskning "Shaxtyor" jamoasi bosh murabbiyligini tark etdi. Bu haqda jamoa rasmiy saytida ma'lum qilingan.

    Ukraina Kubogi finali 70 yoshli bu murabbiy uchun "Shaxtyor" boshqaruvidagi oxirgi uchrashuv bo‘lib qoldi. Bu final bahsida donetskliklar "Zarya"ni 2:0 hisobida mag‘lub etishdi va 10 karra Ukraina Kubogi sohibiga aylanishdi.

    "Shaxtyor" jamoasi Misterga uzoq yillik hamkorlik uchun minnatdorchilik bildiradi. "Shaxtyor" Mircha Lucheskuga kelgusi faoliyatida zafarlar tilaydi. Bu tilaklar "Shaxtyor"ning millionlab muxlislari nomidan ham", deyilgan xabarda.

    Mircha Lucheskuning "Shaxtyor" bilan shartnomasi joriy mavsum oxiriga qadar tuzilgandi. Ushbu mutaxassis jamoani 2004 yildan buyon boshqarib kelmoqda edi. Uning rahbarligida donetskliklar jamoasi 8 marta Ukraina chempioni, 6 marta Ukraina Kubogi sohibi, 6 marta Ukraina Superkubogi egasi bo‘ldi. Shuningdek, jamoa 2009 yili UYeFA Kubogi finalida g‘olib chiqqan.

    Bundan oldinroq, ushbu murabbiy "Zenit"da ish boshlashi haqida xabarlar tarqalgandi.