Luchesku «Zenit» bilan shartnoma imzoladi

Ruminiyalik tajribali murabbiy Mircha Luchesku Sankt-Peterburgning «Zenit» jamoasi bilan «2+1» ko‘rinishida shartnoma tuzgan. U yangi jamoada 1 iyundan ishga kirishadi. Bu haqda «R-Sport» agentligi xabar tarqatdi.

Shartnomaning moliyaviy jihatlari keltirilmagan.

Luchesku 22 may kuni «Shaxtyor»ni 12 yillik faoliyatdan keyin tark etgandi. U shu kunning o‘zida piterliklar jamoasi xo‘jayini Aleksey Miller bilan muzokara o‘tkazgani aytildi.

Bundan oldinroq, OAVda Luchesku yozgi transferlar vaqtida jamoa tarkibini kuchaytirish uchun 60 mln dollar olishi, uning yillik maoshi miqdori esa 5 mln dollarni tashkil etishi haqida xabarlar berilgandi.