Klichko intervyu paytida «totalitarizm» so‘zini ayta olmadi

Kiyev hokimi Vitaliy Klichko Ukrainaning «Vesti» radiosiga bergan intervyusi chog‘ida «totalitarizm» so‘zini ayta olmadi. Siyosatchining intervyusi aks ettirilgan video radiostansiyaning YouTube’dagi kanaliga qo‘yildi.

Kiyev meri shaharda dekommunizatsiya o‘tkazilishi haqida aytib o‘tdi. 

Uning so‘zlariga ko‘ra, Ukraina poytaxtida 150ga yaqin ko‘cha qaytadan nomlangan va yana bir nechta ko‘chalarga yangi nom berish ishlari qolgan. 
Klichko qayd etishicha, Kiyevdagi sovet yetakchilarining barcha haykallari buzib tashlandi.

«Biz barcha monumentlarni bir yerga to‘plashga qaror qildik. Bu tarixchilarga qiziq bo‘ladi. Mazkur muzey toratatatalira…» — deya sobiq bokschi so‘zini tugata olmay qiynaldi.

Radioboshlovchi esa siyosatchiga «totalitarizm» so‘zini aytishida yordamlashdi va Klichko bu jumlani ikki marta bo‘g‘inlarga ajratgan holda takrorladi.