Obama: KXDR yadro quroli AQShga tahdid solmaydi

Yaponiyada bo‘lib o‘tayotgan "katta yettilik" sammitida ishtirok etayotgan AQSh prezidenti Barak Obamaning bayonotiga ko‘ra, KXDR yadro quroli AQShga bevosita xavf uyg‘otmaydi, ammo u yerda bunday texnologiyalar tobora takomillashmoqda. 

"Biz yadroviy qurolsizlanish borasida olg‘a siljiyapmiz. Ammo buni Shimoliy Koreya misolida ko‘ra olmaymiz. Bu mamlakatdagi vaziyat tashvish uyg‘otadi", - degan fikrlarni bildirgan prezident Obama.

Uning so‘zlariga ko‘ra, "bugungi kunda, KXDR yadro quroli AQShga tahdid solmaydi". 

Ammo Oq uy ma'muriyati rahbari, KXDRda bunday texnologiyalar rivojlanayotganini e'tirof etgan. 

"Har safar, ular sinov o‘tkazganida, agrchi omadsizlikka uchrashsa ham, nimadir o‘rganishi aniq", - deya qo‘shimcha qilgan Barak Obama.