Putin Rossiyani islom dunyosining ishonchli ittifoqchisi deb atadi

Islom dunyosi Rossiya timsolida dolzarb muammolarni hal etishda yordam beruvchi ishonchli ittifoqchisini topishi mumkin, dedi Rossiya prezidenti Vladimir Putin "Rossiya - islom dunyosi" strategik nazar guruhi majlisining ishtirokchilariga. Bu haqida RIA "Novosti" xabar beradi.

"Shuni ta'kidlashni istardimki, islom dunyosi doimo Rossiya timsolida dolzarb muammolarni hal qilishda yordam ko‘rsatishga tayyor ishonchli ittifoqdoshini ko‘rishi mumkin. Biz musulmon davlatlarining xalqaro munosabatlarda adolat tamoyillari, qonun ustuvorligini mustahkamlash bo‘yicha faol pozitsiyasini qo‘llab-quvvatlaymiz", - dedi u. 

Putin shuningdek guruhning mazkur yig‘ilishi Rossiya va musulmon davlatlar o‘rtasidagi ishonch hamda o‘zaro hamkorlikni yanada mustahkamlashiga umid bildirdi.