17:10 / 30.05.2016
6660

UYeFA YeChL mavsumining ramziy terma jamoasini tuzib chiqdi

Portugaliyalik Krishtianu Ronaldu ("Real"), argentinalik Lionel Messi ("Barselona") va fransuz Antuan Grizmann ("Atletiko") YeChLning 2015/16 yilgi mavsumi uchun ramziy terma jamoasi tarkibidan o‘rin oldi. Bu haqda UYeFA rasmiy saytida xabar berilgan.

Ronaldu, Grizmann va Messidan tashqari, "yil jamoasi"dan darvozabonlar Yan Oblak ("Atletiko"), Manuel Noyyer ("Bavariya"); himoyachilar Diyego Godin, Xuanfran (ikkisi - "Atletiko"), Tiago Silva ("Pari Sen-Jyermen"), Serxio Ramos, Marselo (ikkisi - "Real"); yarim himoyachilar Gabi, Koke (ikkisi - "Atletiko"), Andres Inesta ("Barselona"), Toni Kroos, Luka Modrich (ikkisi - "Real"); hujumchilar Luis Suares ("Barselona"), Robert Levandovski ("Bavariya"), Garet Beyl ("Real") ham o‘rin olgan.

2015/16 yilgi YeChL chempioni finalda "Atletiko"ni penaltilar seriyasida 5:3 hisobida mag‘lub etgan "Real" jamoasi bo‘ldi. O‘yindagi yakunlovchi zarba Krishtianu Ronaldu tomonidan yo‘llandi. Bu "Real"ning o‘z tarixida 11-marta YeChL g‘olibligiga erishishi bo‘ldi.

Top