Computex 2016 ko‘rgazmasining rasmiy ochilish marosimidan bir kun avval Asus kompaniyasi uchta planshet-transformerlarni taqdim etdi — Surface Pro 4 ga o‘xshashib ketuvchi ilg‘or Transformer 3 Pro, Transformer 3 va miniatyurali Transformer Mini.
ASUS Transformer 3: Yangi qurilmada 12.6 dyuymli displey, WQHD+ (2880x1920 piksellar), Intel Core yettinchi avlod protsessori, 8 GB operativ xotira, 2133 MGts va 512 GBgacha SSD drayv, Wi-Fi (802.11ac) va Bluetooth 4.1 modullari, barmoq izi skaneri, 1.4 mm li tugma va fon yorug‘ligiga ega Transformer Sleeve Keyboard klaviatura paneli o‘rnatilgan. Asosiy kamera ravshanligi — 13 Mp, old kameraniki esa — 5 Mp. Metall korpusli planshet o‘lchamlari 303x202x6.9 mm, og‘irligi — 695 grammni tashkil etadi. Windows 10 operatsion tizimi mavjud.
Asus Transformer 3 Pro: Metall korpus va stendga ega avvalgi model Asus Transformer 3 Pro’ga ham 2880x1920 pikselli 12.6 dyuymli ekran o‘rnatildi. Uning Intel Core oltinchi avlod (Core i5-6200U yoki Core i7-6500U) protsessori, 16 GBgacha operativ xotirasi, PCIe 3x4 interfeysli 1 TB SSD drayv, 13 Mp asosiy kamera, 8 Mp frontal kamera, «yuzma-yuz» tizimiga kirish uchun Windows Hello funksiyasi, barmoq izi skaneri, Wi-Fi (802.11ac) va Bluetooth 4.1, HDMI interfeysi hamda 1.4 mm tugma va yoritgichli Cover Keyboard klaviatura-paneli mavjud. Planshet hajmi 298.8x210.1x8.35 mm bo‘lib, og‘irligi: 795 gr. Operatsion tizimi esa - Windows 10.
Ikki gadjyet Harmon Kardon sifatli dinamikasi va USB Type-C Thunderbolt 3 ulagichiga ega. Natijada planshetlar bilan Oculus Rift yoki HTC Vive shlemlari yordamida 4K-geyming va virtual reallik olamiga sho‘ng‘ish mumkin. Shuningdek, planshetlarni boshqa ASUS aksessuarlari bilan ham ishlatsa bo‘ladi: Pen stilusi, Universal Dock universal dok-stansiyasi va AudioPod akustikasi.
Asus Transformer Mini: Gibrid planshet Asus Transformer Mini korpusi magniy-alyuminiy qotishmasidan tayyorlangan. Uning og‘irligi klaviatura bilan 790 gramm, klaviaturasiz 530 grammni tashkil etadi. Qurilma qalinligi - 8.2 mm. Bu yangi gadjyet qulaylikni hush ko‘ruvchilarga to‘g‘ri keladi. Planshetda 10.1 dyuymli displey, barmoq izi skaneri va qurilmani 170 daraja burchak ostida qo‘yishga imkon beruvchi tirgak, USB-port hamda Wi-Fi 802.11ac mavjud. Smartfon orqali yuboriluvchi matnli xabarlarni sinxronlashtirish uchun Hello va ZenSync funksiyasi bor. Avtonom ish vaqti - 11 soat.
Mazkur planshetlarning sotuvga chiqarilish sanasi ma'lum qilinmagan. Narxlari: Asus Transformer 3 – 799 dollar (boshlang‘ich narx), Asus Transformer 3 Pro (avvalgi hususiyatli) – 999 dollar, Asus Transformer Mini asosiy versiyasi – 349 dollar.
