Jizzax viloyatining Paxtakor tumanida ichki ishlar organlari tomonidan o‘tkazilgan tezkor tadbirlar natijasida Arnasoy tumanida yashovchi, 46 yoshli ayol bir kilogramm 105 gramm «marixuana» giyohvandlik moddasini sotayotgan vaqtida ushlangan. U xolislar ishtirokida tekshirilganida cho‘ntagidan 105 gramm «marixuana» giyohvandlik moddasi topilgan. Bu haqda O‘zbekiston Respublikasi IIV Matbuot xizmati ma'lum qilgan.
Mazkur holat yuzasidan O‘zbekiston Respublikasi Jinoyat Kodeksining tegishli moddasi bilan jinoyat ishi qo‘zg‘atilib, hozirda tergov harakatlari olib borilmoqda.