Ramazon oyi 6 iyundan boshlanadi

O‘zbekiston prezidenti Islom Karimov 1 iyun kuni muborak Ramazon oyini munosib tarzda o‘tkazish to‘g‘risidagi qarorini imzoladi. Qaror matni O‘zA tomonidan e'lon qilingan.

Hujjatda O‘zbekiston musulmonlari idorasi axboroti asosida Ramazon oyi 6 iyunda kirib kelishi qayd etilgan.

Qarorda muqaddas Ramazon oyining mazmun-mohiyatida mujassam bo‘lgan insoniylik, ma'naviy poklik, shukronalik fazilatlarini, islom dini arkonlarini e'zozlash, bugungi tinch va osuda hayotning qadriga yetish, odamlarni o‘zaro yaxshilik qilishga, ahil va hamjihat bo‘lib yashashga da'vat qilishga qaratilgan keng ko‘lamli savobli amallar va targ‘ibot ishlarini tashkil alohida ta'kidlab o‘tilgan.

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari «Nuroniy» jamg‘armasi, «Mahalla» xayriya jamoat fondi va boshqa jamoat tashkilotlari bilan birgalikda Ramazon oyini joylarda milliy an'ana va qadriyatlar, urf-odatlarga mos va uyg‘un tarzda o‘tkazish bilan bog‘liq chora-tadbirlarni amalga oshirish haqida ko‘rsatma berilgan.

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga «Nuroniy» jamg‘armasi, «Mahalla» xayriya jamoat fondi va boshqa jamoat tashkilotlari bilan birgalikda Ramazon oyini joylarda milliy an'ana va qadriyatlar, urf-odatlarga mos va uyg‘un tarzda o‘tkazish bilan bog‘liq chora-tadbirlarni amalga oshirish vazifasi topshirildi.

Ramazon oyida ehtiyojmand kishilarni har tomonlama qo‘llab-quvvatlash, oilalar va mahallalarda mehr-oqibat va o‘zaro hurmat muhitini mustahkamlash, muqaddas ziyoratgohlarni obodonlashtirish bo‘yicha tadbirlarni yanada kuchaytirishga alohida ahamiyat beriladi.

O‘tgan yili O‘zbekistonda Ramazon oyi 18 iyunda boshlangandi.