Louis Vuitton millarsiz soat ishlab chiqardi

Fransiyaning Louis Vuitton modalar uyi Escale Spin Time soatlari yangi modelini yaratdi. Soatlarda vaqtni ko‘rsatib turuvchi millar yo‘q, siferblatda esa mitti dengiz bayroqchalari aks ettirilgan. Bu haqida Luxurylaunches ma'lum qildi. 

Bayroqlar - aylanib soatni ko‘rsatib turuvchi kichik kubiklarda tasvirlangan, daqiqalarga esa spidometr manerasida ishlab chiqilgan mil mas'ul. Model ikki variantda yaratilgan: pushti tilla va titanli oq tilladan. Soatning harakatlanish zaxirasi 42 soatni tashkil qiladi, model alligator terisidan yasalgan tutqichda sotiladi. 

Soat narxi hozircha oshkor etilmadi, sotuvga yil oxiriga qadar chiqishi kutilmoqda. 

Louis Vuitton — 1854 yilda Fransiyada sandiq va yo‘l sumkalari ustasi Lui Vyuitton tomonidan asos solingan kompaniya. Kompaniya erkaklar va ayollar uchun aksessuarlar, liboslar, poyabzallar, soatlar va zargarlik buyumlari ishlab chiqarishga ixtisoslashgan. Bugungi kunda kompaniya LVMH xalqaro xoldingi tarkibiga kiradi.