Venesuelada ocharchilik namoyishlari boshlandi

Mamlakat poytaxti Karakasda, yuzlab namoyishchilar «Bizga yegulik kerak» shiorlari bilan prezident saroyi qarshisida to‘planishdi. Tartibni saqlash kuchlari ularga qarshi yosh oqizuvchi gazdan foydalangan, deb xabar qilmoqda Reuters.

Shahar tumanlaridan birida do‘konlar oldida ko‘psoatli navbatlar, g‘arazgo‘ylar oziq-ovqat to‘ldirilgan yuk mashinasini o‘g‘irlashga uringanlaridan so‘ng, tartibsizliklarga aylanib ketgan. 

Namoyishchilar, davlat rahbari Nikolas Maduroning rasmiy qarorgohi Miraflores saroyiga yo‘l olishgan. Bu yerda ularni milliy gvardiya bo‘linmalari qarshi olishgan. Harbiylar, namoyishchilar to‘dasini tarqatib yuborishgan. 

Ta'kidlash joizki, Venesuelada iqtisodiy va siyosiy inqiroz davom etmoqda. Mamlakatning asosiy valyuta manbasi bo‘lgan neft narxining tushib ketishi vaziyatni tamoman izdan chiqardi. Mahalliy hukumat, elektr energiyasini tejash maqsadida, byudjyet tashkilotlari uchun ish kunini haftasiga 2kungacha qisqartirish kabi keskin choralar ko‘rishga majbur bo‘ldi. Bundan tashqari, oziq-ovqat va dori-darmonlar tanqisligi ham kuzatilayapti. 

Davlat rahbari Maduro esa, bu kabi vaziyatda "AQSh imperialistlari va ichki dushmanlar"ni ayblagandi.