Vengriyada go‘rkovlar o‘rtasida musobaqa bo‘lib o‘tdi

Vengriyaning Debretsen shahrida go‘rkovlar o‘rtasida milliy musobaqa bo‘lib o‘tdi.

Reyter axborot agentligining ma'lum qilishicha, chempionatda 18 ta juftlik ishtirok etdi. Musobaqa ishtirokchilari uzunligi 2 metr, eni 80 sm, chuqurligi 160 sm bo‘lgan qabrni kim tezroq kavlashga bahslashishdi. Musobaqa g‘oliblari bu ishni yarim soatdan kamroq vaqtda uddalashga muvaffaq bo‘lishdi. Endi ular Chexiyada bo‘lib o‘tadigan xalqaro musobaqaga yo‘l olishadi va u yerda Polsha, Slovakiya va Chexiya vakillari bilan bellashishadi.

Vengriya go‘rkovlar uyushmasida ta'kidlanishicha, bunday chempionatning o‘tkazilishidagi hech qanday "jirkanch" narsa yo‘q, boz ustiga u bu kasb nufuzini oshiradi. Bundan tashqari, bu tadbir yoshlarni maydonlarning kichikligi sababli maxsus texnikani qo‘llash imkoni yo‘qligi sababli qabrlarni qo‘lda kavlashga to‘g‘ri keladigan qabristonlarda ishlashga jalb qiladi, degan fikr mavjud.