Ourmine xakerlar guruhi Facebook asoschisi Mark Tsukerbergning Instagram, Twitter, LinkedIn va Pinterestdagi sahifalarini buzganini zimmasiga olar ekan, Mark «dadada» parolidan foydalanganini e'lon qildi, deb yozmoqda Mashable.
Agar, buzg‘unchilar rost gapirayotgan bo‘lsa, eng yirik internet-korporatsiyalaridan birining yetakchisi 2012 yil me'yori bilan o‘lchanganda ham juda zaif parol tanlagan hisoblanadi.
Nashrning qayd etishicha, Tsukerberg bilan yuz bergan voqea, ko‘pchilik uchun o‘ziga xos namunadir. Agar siz, internetdagi akkauntlaringiz buzilishini xohlasangiz, Mark kabi zaif paroldan bir necha sahifalarda birdek foydalanib, uni bir necha yil davomida o‘zgartirmasangiz kifoya qiladi.
Hozircha, Facebook kompaniyasi bu xabarni izohlaganicha yo‘q.
Bundan avvalroq, Tsukerberg sahifalari buzilishi, uning LinkedIndagi shaxsiy ma'lumotlari o‘g‘irlangani bois, yuz bergani mumkinligini aytishgan edi.