Quyosh batareyalaridan oladigan quvvat yordamida parvoz qiladigan Solar Impulse 2 samolyoti o‘zining dunyo bo‘ylab sayohati doirasida Pensilvaniya shtatidan uchib o‘tib, Nyu-Yorkka muvaffaqiyatli qo‘ndi,
Samolet Ozodlik haykali ustidan aylanib, Jon Kennedi aeroportiga qo‘ngan. Bu Solar Impulse 2 ning Atlantika okeani ustidan parvozga otlanishidan avval, AQShda amalga oshirgan so‘nggi qo‘nishidir.
Solar Impulse 2 2014 yil 2 aprelida rasman namoyish qilingan edi. Uning og‘irligi 2,3 tonna bo‘lib, qanoti 72 metrni tashkil etadi. Havo layneriga 17,2 ming dona quyosh batareyalari o‘rnatilgan. Uning maksimal tezligi soatiga 140 kilometrni tashkil etadi.