Qirg‘iziston YaIM 4 foizga qisqarib, 139 mlrd somni tashkil etdi

2016 yil yanvar-may oylarida Qirg‘iziston respublikasi YaIM o‘tgan yilning shu davriga nisbatan 4 foizga pasayib, 139 mlrd somni tashkil etgan, deb xabar qilmoqda Kirtag agentligi statistik ma'lumotlarni tarqatish va hisobot ishlari bo‘limi boshlig‘i Chinara Turduboyeva bayonotiga asoslangan holda. 

Uning qayd etishicha, yalpi ichki mahsulot hajmining kamayishiga sanoat va transport sohasidagi pasayishlar salbiy ta'sir etgan. 

««Kumtor» konini o‘zlashtirish ishlarini hisoblamaganda, YaIM hajmi shu yilning besh oyi davomida 130 mlrd somdan ko‘p bo‘lgan va o‘tgan yilning shu davriga nisbatan 0,5 foizga o‘sgan», – deb aniqlik kiritgan Ch.Turduboyeva.