Fransiyada vengriyalik 6 muxlis hibsga olindi

Fransiya huquq-tartibot organlari xodimlari 18 iyun kuni Marseldagi "Velodrom" stadionida bo‘lib o‘tgan Vengriya-Islandiya uchrashuvdan keyin vengriyalik muxlislardan 6 nafarini qo‘lga olgan. Bu haqda shahar prefekturasiga asoslanib, mahalliy nashrlar xabar tarqatgan.

Ma'lum qilinishicha, bu muxlislar maydon atrofidagi to‘siqlardan oshib o‘tishga harakat qilgan va maydonga yoqilgan fayyerlar otishgan.

Vengriya va Islandiya o‘rtasidagi uchrashuvda 1:1 hisobidagi durang qayd etildi. Uchrashuv arafasida ham vengriyalik muxlislar stadion xodimlariga hujum uyushtirishgandi.

Biroz oldinroq, UYeFA Portugaliya va Belgiya qatori Vengriya futbol federatsiyasiga qarshi muxlislarning xatti-harakatlari yuzasidan intizomiy ish ochgandi.