Rossiyalik muxlislar Akinfeyevni qahramonday qarshiladi

Rossiya terma jamoasi Yevropa chempionatidan chiqib ketdi. 21 iyunga o‘tar kechasi rossiyaliklar terma jamoasi Uelsga qarshi o‘yinni 0:3 hisobida boy berdi.

Uchrashuvda rossiyaliklar terma jamoasi darvozaboni Igor Akinfeyev yuqori saviyadagi o‘yin ko‘rsatdi va jamoasini sharmandali hisobdan qutqarib qoldi. Har qancha asabiylashgan bo‘lishmasin o‘yindan keyin tribunalardagi rossiyalik muxlislar darvozabonni qahramonlarday kutib olishdi va unga minnatdorchilik bildirishdi.

Eslatib o‘tamiz, Akinfeyev birinchi tur yakuniga ko‘ra Yevropa chempionatining ramziy terma jamoasidan o‘rin olgan edi.

Manba: Tribuna.uz