O‘zbekiston prezidenti farmoniga muvofiq tuzilgan “Haj va Umra tadbirlarini tashkil etish va o‘tkazish bo‘yicha Jamoatchilik kengashi”ning qarori va tavsiyalari asosida “Umra-2016” Ramazon mavsumi tashkil etildi.
2016 yilning 25 iyun kuni erta tong soat 08:50da o‘zbekistonlik ziyoratchilarning birinchi guruhi Toshkent–Jidda yo‘nalishida umra amallarini ado etish maqsadida Saudiya Arabistoniga jo‘nab ketdi.
“Umra-2016” Ramazon mavsumining birinchi reysida uchish Qoraqalpog‘iston Respublikasi, Surxondaryo, Qashqadaryo, Xorazm, Sirdaryo va Buxoro viloyatlari ziyoratchilariga nasib etdi. Ularga ziyorat davomida o‘zbekistonlik tajribali ishchi guruhi, guruh rahbarlari, shifokorlar hamda mohir oshpazlar xizmat ko‘rsatadi.
Ziyoratchilarga Makka shahrida “Nama Mavadda” va Madina shahrida “Nur Mavadda” mehmonxonalarida Saudiya Arabistonidagi bir necha yillik hamkor “al-Hidoya” shirkati tomonidan xizmat ko‘rsatiladi.