Maykrosoft Surface 3 planshetini ishlab chiqarishni to‘xtatadi

Amerikaning Microsoft korporatsiyasi vakillari, joriy yilda Surface 3 planshetlarini ishlab chiqarish to‘xtatilishini rasman tasdiqlashdi. 

Rasmiy izohga ko‘ra, o‘tgan yili Surface 3 ishlab chiqarila boshlanganidan beri unga talab yuqori bo‘lgan, mijozlarning xariddan ko‘ngli to‘lgan. Biroq, do‘konlarda va omborxonalarda ishlab chiqarilgan mahsulotlar soni kamayib bormoqda. Planshetni ishlab chiqarish esa, 2016 yil dekabridan to‘liq to‘xtatiladi. 

Eslatib o‘tamiz, 10,8-dyuymli ekranga ega planshet-kompyuter 2015 yil may oyida savdoga chiqarilgan va 499-599 dollardan sotilgandi. Surface 3 dastlab Windows 8, keyinchalik Windows 10 operatsion tizimlarida ishlagan. 

Hozircha, Surface 3ning merosxo‘ri paydo bo‘ladimi yoki Microsoft birmuncha qimmat modellar ishlab chiqarishga e'tibor qaratadimi, noma'lum.