Facebook ijtimoiy tarmog‘idagi «Voditeli Tashkenta» (DRIVERS.UZ) guruhida qoldirilgan fotoxabarga ko‘ra, Toshkentning Yunusobod tumanida joylashgan Mega Planet savdo-ko‘ngilochar markazida yong‘in chiqqan.
Fotoxabarga qoldirilgan izohlardan shuni bilish mumkinki, yong‘in markazning 4-qavatida yuzaga kelgan. U yerda esa fast-fudlar tayyorlanadigan kafelar joylashgan.
Ma'lumotlarga ko‘ra, yong‘in qisqa tutashuv natijasida ro‘y bergan. Odamlar evakuatsiya qilingan.
Guruh a'zolaridan biri yong‘in bartaraf etilgani haqida xabar berib, izoh qoldirgan.