Malayziyadagi xayotning qanday afzalliklari bor?
Ushbu davlat zamonaviy infratuzilmasi, xususiy tibbiy xizmatlari, xalqaro maktablari va oliy taʼlim muassasalari bilan xorijliklar uchun qulay muhitga ega sanaladi. Mamlakatning yana bir ustunligi turli madaniyatlar uygʻunlashuvida. Malay, xitoy, hind va boshqa madaniyatlar kundalik hayot, milliy taomlar va anʼanalarda yaqqol namoyon boʻladi.
Malayziya Janubi-Sharqiy Osiyoning boshqa mamlakatlariga sayohat qilish uchun ham qulay lokatsiyada joylashgan. Shu sababli, ayrim xorijliklar bu yerni nafaqat dam olish, balki uzoq muddat yashash uchun ham tanlamoqda.
MM2H dasturi nima?
Malaysia My Second Home (MM2H) – Malayziya hukumati tomonidan chet el fuqarolari uchun joriy etilgan uzoq muddatli yashash dasturidir. Loyiha ishtirokchilari belgilangan shartlarni bajargan holda mamlakatda uzoq muddat qolish imkoniyatiga ega boʻladi.
Shuningdek, MM2H koʻchmas mulk sotib olish dasturi emas. Uning asosiy maqsadi talablarga javob beradigan xorijliklarga Malayziyada uzoq muddat yashash imkoniyatini berishdir.
Dasturning moliyaviy talablari, kategoriyalari, yashash muddati va boshqa shartlari amaldagi qoidalarga qarab farq qiladi.
Dastur kimlar uchun koʻproq manfaatli hisoblanadi?
MM2H quyidagi maqsadlarda Malayziyada koʻproq vaqt oʻtkazishni rejalashtirayotganlar uchun qiziq boʻlishi mumkin:
▪ oilasi bilan yashash;
▪ farzandlari uchun taʼlim imkoniyatlarini koʻrib chiqish;
▪ mahalliy tibbiy xizmatlardan foydalanish;
▪ Malayziyada uzoq muddat qolish;
▪ mamlakat va mintaqani koʻproq sayohat qilish.
Biroq dasturga ariza berishdan oldin uning amaldagi talablarini tekshirish muhim.
