Samarqand viloyati hokimining tegishli qaroriga asosan, Rustam Rajabboyevich Qobilov yangi tashkil etilgan Samarqand viloyati hokimining rasmiy delegatsiyalarning tashrifi masalalari boʻyicha oʻrinbosari lavozimiga tayinlandi.

Rustam Qobilov

Rustam Qobilov 2018–2020-yillarda Samarqand viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari vazifasida ishlagan, keyinroq prezident huzuridagi davlat xizmatlarini rivojlantirish agentligi Samarqand viloyati hududiy filiali rahbari lavozimida faoliyat koʻrsatgan, 2021-yil dekabrida viloyat hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari etib tayinlangandi.

Endi uning oʻrniga Joʻrabek Bahriddinovich Suyunov Samarqand viloyati hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari lavozimida ish boshladi.

Joʻrabek Suyunov

Joʻrabek Suyunov bunga qadar viloyat turizm boshqarmasi boshligʻi lavozimida ishlayotgandi.

Shu tariqa, Samarqand viloyati hokimi Adiz Boboyevning oʻrinbosarlari soni 10 nafarga yetdi:

  • Sherbek Boʻronov – viloyat hokimining moliya, iqtisodiyot va kambagʻallikni qisqartirish masalalari boʻyicha birinchi oʻrinbosari – Iqtisodiyot va moliya bosh boshqarmasi boshligʻi;
  • Navroʻzjon Rahmonov – viloyat hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari;
  • Xurshidbek Samiyev – viloyat hokimi oʻrinbosari – viloyat investitsiyalar va tashqi savdo boshqarmasi boshligʻi;
  • Botir Jabborov – viloyat hokimining qishloq va suv xoʻjaligi masalalari boʻyicha oʻrinbosari – Qishloq xoʻjaligi boshqarmasi boshligʻi;
  • Rustam Qobilov – viloyat hokimining rasmiy delegatsiyalarning tashrifi masalalari boʻyicha oʻrinbosari;
  • Joʻrabek Suyunov – viloyat hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari – Turizm bosh boshqarmasi boshligʻi;
  • Xusen Tuxtayev – viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari;