Taqdimot davomida Oʻzbekiston Respublikasi Prezidenti Shavkat Mirziyoyev tomonidan belgilangan Yangi Oʻzbekistonni isloh qilish strategiyasi, shuningdek, soʻnggi oʻn yil davomida amalga oshirilgan iqtisodiy islohotlarning aniq natijalari haqida maʼlumot berildi.
Tadbir ishtirokchilari Oʻzbekiston iqtisodiyotining yuqori oʻsish surʼatlarini, xorijiy investitsiyalar oqimining rekord darajada ekanini, asosiy makroiqtisodiy koʻrsatkichlarning barqarorlashuvini, shuningdek, sanoat va xizmatlar sohalarining jadal rivojlanishi hamda kichik va oʻrta biznes ulushining ortishi asosida mamlakatning izchil taraqqiy etib borayotganini yuqori baholadilar.
Shuningdek, Oʻzbekistonda zamonaviy moliyaviy xizmatlar sektori, xususan, ilgʻor axborot texnologiyalari va sunʼiy intellektni joriy etish hisobiga rivojlanayotgan sugʻurta sohasini shakllantirishga alohida eʼtibor qaratildi.
Xalqaro uchrashuv chogʻida «Oʻzbekinvest» kompaniyasi rahbariyati Yevropa, Shimoliy Amerika, Janubi-Sharqiy va Janubiy Osiyo, shuningdek, Yaqin Sharqning yetakchi sugʻurta kompaniyalari rahbarlari bilan qator muzokaralar oʻtkazdi. Ularning yakunlari boʻyicha Oʻzbekistonga toʻgʻridan-toʻgʻri va portfel investitsiyalarini sugʻurtalash, tashqi savdo operatsiyalarini ragʻbatlantirish hamda mamlakat eksport salohiyatini oshirish sohalarida hamkorlikni rivojlantirish va kengaytirishga qaratilgan yangi kelishuvlarga erishildi va tegishli hujjatlar imzolandi.
Forum doirasida «Oʻzbekinvest» kompaniyasi Bosh direktori R. Azimovning «Sugʻurtada sunʼiy intellekt» nomli monografiyasi taqdimoti ham boʻlib oʻtdi. Mazkur asar 2026-yil avgust oyida Parij shahridagi yetakchi fransuz nashriyoti L’Harmattan tomonidan nashr etilgan.
Koll-markaz: (+998) 71−207−60−00, 1160
