Migratsiya agentligi va «RRG AG» tashkiloti qurilish sohasi mutaxassislarini Germaniyada ishlashga taklif qilyapti.
Dastur doirasida boʻsh ish oʻrni 200 ta, oylik maosh 2500 yevroni tashkil etadi. Bunda gʻisht teruvchi, qurilish duradgori, qurilish chilangari, sanoat mexanigi, qurilish krani operatori, qurilish payvandchisi va qurilish beton quyuvchisi mutaxassisliklari boʻyicha vakansiyalar mavjud.
Tanlovda 8–39 yoshdagi, oliy yoki kasb-hunar taʼlimi toʻgʻrisidagi diplomga ega nomzodlar ishtirok etishi mumkin. Talabalar: tegishli yoʻnalish boʻyicha kamida 2 yillik texnikum yoki kollej diplomi hamda soʻnggi 5 yil ichida tegishli sohada kamida 2 yillik ish tajribasi.
Ish haftasiga besh kun, 40 soatdan iborat boʻladi. Mehnat shartnomasi muddatsiz tuziladi va olti oylik sinov muddatini oʻz ichiga oladi.
Nomzodlar uchun Germaniyadagi turar joy xarajatlari oyiga 300 yevroni tashkil etadi. Oziq-ovqat xarajatlari ham xodim hisobidan qoplanadi.
Talabgorlar Toshkent shahridagi «Berlitz» oʻquv markazida 8 oy davomida A1 darajadan B1 darajagacha bepul nemis tili kursida oʻqitiladi. Xarajatlar Migratsiya agentligi va ish beruvchi tomonidan qoplanadi.
Til sertifikati imtihoni, viza va aviachipta xarajatlari ham ish beruvchi tomonidan qoplanadi. Mehnat sharoitlari - ish haqi, ustamalar, sugʻurta, taʼtil va boshqa imtiyozlar - Germaniyadagi xodimlar bilan teng darajada belgilanadi.
«Germaniyaga joylashganingizdan soʻng oila aʼzolaringizni doimiy yashash uchun olib kelish hamda bolalar uchun nafaqa olish imkoniyati mavjud», deyiladi ish eʼlonida.
Roʻyxatdan oʻtish uchun kerakli yoʻnalishlar:
