Yevropa chempionatining birinchi finalchisi aniqlandi. Lionda Portugaliya hamda Uels terma jamoalari o‘rtasidagi o‘yin yakunlandi. Unda Portugalya 2:0 hisobida g‘alaba qozondi.
49-daqiqada Krishtianu Ronaldu fantastik goli bilan hisobni ochdi. Ko‘p o‘tmay Nani Ronalduning zarbasidan keyin to‘pni darvozaga joylab qo‘ydi.
Shu tariqa Portugaliya Yevropa chempionatining finaliga yo‘l oldi. Bu o‘yinda Portugaliya g‘alaba qozondi, lekin Uelsni, ayniqsa, Garet Beylni yengildi, deyish qiyin. Beyl dunyoning eng yaxshi futbolchilardan biri ekanini isbotladi.
Portugaliya – Uels 2:0
Gollar: Ronaldu (50), Nani (53).
Portugaliya: Ruy Patrisiu, Alvesh, Gerreyru, Soaresh, Fonte, Sanshesh (Andre Gomesh, 74), Danilu Pereyra, Nani (Kuarejma, 86), Joau Mariu, Adriyen Silva (Moutinyu, 79), Ronaldu.
Uels: Xennessi, Kollinz (Uilyams, 66), Uilyams, Teylor, Chester, Beyl, Allen, Robson-Kanu (Cherch, 63), Ledli (Vouks, 58), King, Ganter.
Ogohlantirishlar: Allen (8), Chester (62), Alvesh (71), Ronaldu (72), Beyl (88).