14:54 / 12.07.2016
16245

“Eng ibratli hayotiy hikoyalar” tanlovi davom etmoqda

Ziyouz.uz va qadriyat.uz saytlari “Eng go‘zal hikoyatlar” tanlovi o‘tkazmoqda. Avvalgi tanlovda eng go‘zal, ibratli hikoyalar tarjimalari aniqlangan edi.

Tanlovda mualliflar hayotda ko‘rgan yoki yaqinlari hayotida yuz bergan real ibratli hikoyalar bilan ishtirok etishi mumkin.

Tanlov tartibi:

Tanlov ishtirok etmoqchi bo‘lganlar o‘z ijod namunalarini davronbek@gmail.com pochtasiga yuborishi so‘ralgan. Materiallar 2016 yil 17 iyuliga qadar qabul qilinadi. G‘oliblar 2016 yil iyul oyi so‘nggida e'lon qilinadi.

Ishtirokchilar yuboradigan materiallar soni cheklanmagan. G‘oliblarni aniqlashda hikoyaning mazmuni, dolzarbligi, matnning badiiy xususiyatlari, manbaning ishonchliligi ham e'tiborga olinadi.

Tanlovga yuborilgan hikoyatlar www.ziyouz.uz va www.qadriyat.uz saytlarida e'lon qilinadi.

Tanlov g‘olibiga shayx Muhammad Sodiq Muhammad Yusufning 32 jildli “Hadis va hayot” to‘plami taqdim etiladi.

Tanlov talablari:

1. Hikoya avval boshqa manbalarda chop etilmagan bo‘lishi kerak;
2. Hikoya muallif yoki uning yaqinlari hayotida yuz bergan real voqelik bo‘lishi kerak. To‘qima hikoyalar qabul qilinmaydi. Ushbu shartning bajarilishi muallifning ixlosiga havola qilinadi;
3. Hikoya turli tillarda chiqqan manbalardan ko‘chirilmagan bo‘lishi kerak;
4. Hikoya yuboruvchining o‘zi tomonidan bayon qilingan bo‘lishi kerak;
5. Hikoya boshqalar tilidan bayon qilinsa, uning kimligi qayd etilishi kerak.

Top