Necksound audiotizimida yangi o‘zgarish ixtiro qilindi. Kompaniyadagilar ajoyib quloqchin ishlab chiqishdi. Yangilikning ajobtovurligi shundaki, endi quloqlar bo‘sh turadi, ammo musiqa sadosi quloqlarda yangrayveradi. Quloqchin xuddi taqinchoq singari bo‘yinda osilib turadi va harakat erkinligini ta'minlaydi. Bu tongda yuguruvchilar va velosipedi borlar uchun juda yaxshi yangilik bo‘ldi.
Necksound nafaqat sifatli musiqa eshitish imkonini, balki telefon qo‘ng‘iroqlariga javob berish qulayligini ham taqdim etadi. Bundan tashqari, tizimda 4 GB xotira bo‘lib, Necksound’dan 1000 ga yaqin qo‘shiq yuklab olish mumkin. Asosiysi, qurilma harakatga xalaqit qilmaydi, chunki uning og‘irligi juda kichik vaznga ega.
Necksound ushbu quloqchinni sog‘lom turmush tarzini sevuvchilar uchun maxsus chiqargan. Kompaniyadagilarning fikricha, yuguruvchilar, velosipedda uchuvchilar, qoyalarga ko‘tariluvchilar mana shu quloqchinlardan foydalanishsa, harakatlari erkinligini ta'minlagan bo‘ladi.
