Yozuvchi Fozil Iskandar vafot etdi

Rossiyalik taniqli yozuvchi va shoir, Sovet adabiyoti namoyondasi Fozil Iskandar 88  yoshida olamdan o‘tdi. Bu haqda "Rossiya 24" telekanalida xabar qilindi.

Fozil Iskandar 1929 yilning 6 martida Suxumida tug‘ilgan, 1954 yili Moskvadagi Gorkiy nomidagi Adabiyot institutini tamomlagandi.

Uning ilk kitobi "Tog‘ so‘qmoqlari" Suxumida 1957 yili chop etilgandi. O‘tgan asrning 50-yillari oxirida "Yoshlik" jurnalida ilk asarlari nashr etilgach, u ilk marta mashhurlikka erishgandi.

Fozil Iskandar "Inson va uning atrofidagilar", ("Chelovek i yego okrestnosti"), "Heraklning 13-chi jasorati", ("Trinadtsatyy podvig Gerakla"), "Sofichka", ("Sofichka"), "Shoir", ("Poet"), "Quyonlar va bo‘g‘ma ilonlar", ("Kroliki i udavy"), "Ibtido", ("Nachalo") va "Chegemlik Sandro", ("Sandro iz Chegema") kabi asarlar qoldirdi.