Atambayev Rossiyaga: “Va'da berdingmi, ahdingda tur!”

«Rossiya Norin GES kaskadi uchun mablag‘ topishi va uni barpo etishi mumkin edi», - degan Qirg‘iziston respublikasi davlat rahbari Almazbek Atambayev jurnalistlar bilan suhbatida.
 
Prezident «RusGidro» kompaniyasining sobiq rahbari Yevgeniy Dodaga nisbatan jinoiy ish qo‘zg‘atilishiga o‘z fikrini bildirar ekan, Doda Qirg‘izistonda nimadir qilishga uringan yagona kishi ekanini ta'kidlagan. Hatto «Inter RAO» ham Qambarota GES-1ni qurishga jur'at etmagan.
 
«RF xohlaganida Norin GES kaskadini qura olardi. Alam qiladigan tomoni, mamlakat kelishuvni imzolab, uni ratifikatsiya qilib, so‘ngra uni amalga oshirishdan bosh tortishidir. Vladimir Putindan xafa emasman. Biz kelishuvni bekor qilgunimizcha, u meni to‘rt marta suhbatiga chaqirdi. Va har safar turli bahonalar. Ammo, mening fikrimcha, so‘z berdingmi, bajarish lozim», -deb ta'kidlagan Almazbek Atambayev.