Obama: AQSh Suriyada Rossiyaga ishonmaydi

AQSh prezidenti Barak Obama AQSh Rossiyaga Suriyada ishonch bildira olmasligini aytdi, biroq Suriyada tinchlik o‘rnatishga harakat qilib ko‘rishini aytdi.  

"Biz Rossiya va Vladimir Putinga ishona olamiz deb ayta olmayman, shuning uchun biz havodan bombardimon qilishlar, Bashar Asad tuzumi keltirib chiqarayotgan fuqarolarning halok bo‘lishi va vayronagarchiliklarning to‘xtatilishini o‘z ichiga oluvchi jangovor harakatlarni to‘xtatishga erisha olishimizni sinovdan o‘tkazishimiz kerak bo‘ladi", deb aytdi Obama. 

Obamaning aytishicha, o‘t ochishning muqobili doimiy ravishda olib boriluvchi fuqarolik urushi ekanini aytdi.

"Biz aniq aytayapmiz, Rossiya qotil-tuzum va hokimiyat tepasida qolish uchun o‘z davlatini yakson qilgan Asadni qo‘llab-quvvatlashga intilishini namoyon qilmoqda", deb qo‘shimcha qildi Obama.

Obamaning ta'kidlashicha, o‘t ochishni to‘xtatish tartibi buzilishi shu darajaga yetganki, u bazo‘r ushlab turilibdi. 

"Shuning uchun ushlab tura oladigan biror narsaga erishishimizni sinab ko‘rishimiz kerak. Agar bunday bo‘lmasa, Rossiya xalqaro sahnada  qotil-tuzumni qo‘llab-quvvatlovchi ma'suliyatsiz davlat ekanini aniq ko‘rsatadi. Rossiya buning uchun xalqaro sahnada javob berishiga to‘g‘ri keladi", deb aytdi Obama.