"Pari Sen- Jyermen" klubi Fransiya Superkubogi uchun kechgan bahsda "Lion"ni 4:1 hisobi bilan mag‘lub etdi. Uchrashuv Avstriyaning Klagenfurt shahrida bo‘lib o‘tdi.
"PSJ" tarkibida gollarni Xaver Pastore (9-daq.), Lukas Moura (19-daq.), Xatem Ben-Arfa (34-daq.) va Leyvin Kurzava (54-daq.) kiritdilar. Lionliklar safida Korentin Tolisso uchrashuv yakunlanishi pallasida (87-daq.) bir javob to‘pini qaytardi.
"PSJ" o‘z tarixida 6-marotaba va ketma-ket 4-marotaba Fransiya Superkubogini qo‘lga kiritmoqda. O‘tgan mavsumda "PSJ" chempionatni, mamlakat Kubogi va liga kubogini qo‘lga kiritgandi. Shuning uchun superkubok uchun parijliklar bilan chempionatda 2-o‘rin egallagan "Lion" bellashdi. Fransiya chempionatining yangi mavsumi 12 avgustdan boshlanadi.