«Inter» Manchini ishdan bo‘shatilganini tasdiqladi

«Inter» klubi Roberto Manchini o‘z lavozimini tark etgani haqidagi ma'lumotni tasdiqladi.

Milanliklar klubi italiyalik ushbu mutaxassis bilan shartnoma ikki tomonlama bekor qilingani haqida xabar tarqatgan. Manchini «Inter»da 2014 yilning noyabridan buyon ishlab kelayotgandi.

Bundan oldingi xabarlarda uning o‘rnini Frank de Bur egallashi haqida aytilgandi.

Uning boshchiligida jamoa o‘tgan mavsumning birinchi qismida yaqqol yetakchilik qildi, lekin mavsumni 4-o‘rinda yakunladi. Manchini mavsumoldi tayyorgarlik yig‘inlari doirasida ketma-ket 4ta mag‘lubiyatli o‘yin o‘tkazgandi. Uning jamoadagi oxirgi o‘yini  «Tottenhem»ga qarshi kechli va 1:6 hisobidagi mag‘lubiyat bilan yakunlandi.