«Ayaks»ning sobiq bosh murabbiyi Frank de Bur rasman «Inter» bosh murabbiyiga aylandi.
Niderlandiyalik mutaxassis milanliklar klubi bilan 3 yillik shartnomaga imzo chekkan. U bugunning o‘zida jamoadagi ilk mashg‘ulotini o‘tkazishi kutilmoqda.
De Bur Roberto Manchinining o‘rnini egalladi. 8 avgust kuni italiyalik murabbiy bilan o‘zaro kelishgan holda shartnoma bekor qilingandi.
«Umid qilamanki, yangi mavsumda yutuqlarga erishamiz. Bu yerda ekanimdan juda xursandman. Ertaga matbuot anjumanida ko‘rishamiz», - degan de Bur muxlislarga yo‘llagan videomurojaatida.
46 yoshli de Bur 2010 yildan beri «Ayaks»ni boshqarib kelayotgandi. O‘tgan mavsum yakunida u klubni tark etgandi.
Manba: Tribuna.uz