Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Sport | 08:06 / 09.08.2016
    13523
    1 daqiqa o‘qiladi

    Rio-2016: Hasanboy Do‘smatov boks musobaqasining 1/4 finaliga chiqdi

    Rio-de-Janeyrodagi Olimpiadaning boks musobaqalarining 49 kg vazn toifasida ishtirok etayotgan o‘zbekistonlik charm qo‘lqop ustasi Hasanboy Do‘smatov 1/8 finalda meksikalik raqibini yutib, chorak finalga yo‘l oldi.

    Osiyoning amaldagi chempioni, 23 yoshli Do‘smatov Amerikaning vitse-chempioni, Panamerika o‘yinlari g‘olibi, 22 yoshli meksikalik Xoselito Velaskesga qarshi ringga chiqdi.

    Jang yuqori sur'atda katta sondagi zarbalar bilan kechdi. Bokschilar bir-birlari bilan ochiqchasiga jang qilishdan tap tortmadilar va Hasanboy bunda ishonchli harakat qildi. Hakamlarning bir ovozlik qaroriga ko‘ra hamyurtimiz g‘alaba qozondi (3:0 - 29:28, 29:28, 29:28).

    Do‘smatovning chorakfinaldagi raqibi qozog‘istonlik Birjan Jakipov bo‘ladi.

    Eslatib o‘tamiz, keyingi bosqichlarga hamyurtlarimizdan Xurshid Tojiboyev (60 kg), Shahram Giyasov (69 kg) va Rustam To‘laganov (91 kg) ham yo‘l oldilar.