AQSh prezidentligiga Respublikachilar partiyasidan nomzod Donald Tramp amaldagi prezident Barak Obamani IShID tashkilotchilaridan biri ekanligida aybladi.
Fort Loderdeyldagi (Florida shtati) mitingda o‘z tarafdorlariga murojaat qilgan magnat jihodchilar guruhi "prezident Obama sharafiga" tuzilganligini aytdi.
"U IShID asoschisi! IShIDga u asos solgan", - dedi Tramp.
Milliarder Oq uydagi Demokratlar partiyasi vakilini tanqid qilishda davom etdi.
"Uning hammuassisi esa - Hillari Klinton", - dedi u.
O‘tgan hafta Tramp sobiq davlat kotibi Klintonning "IShIDdan mukofot olishi kerak"ligini aytgandi.
O‘shanda Klinton Trampni "chegaradan o‘tib ketgan"ini aytib, qat'iy ogohlantirgandi.