Triumph stimlayneri o‘z rekordini yangiladi

Triumph kompaniyasining ming ot kuchiga ega mototsikli o‘z rekordini yangiladi. Britaniyalik motopoygachi Gay Martin boshqaruvidagi stimlayner AQShning Bonnevil ko‘lida soatiga 441,280 km tezlikkacha harakatlana olgan. 

Triumph Infor Rocket Steamliner modelining korpusi karbon va kevlar (para-aramid (poliparafenilen-tereftalamid) tolasi)dan yasalgan. Motosiklga ikkita turbo motor o‘rnatilgan bo‘lib, ular jami 1000 ot kuchini beradi. 

«Triumf»ning avvalgi rekordi amerikalik Bob Leppanga tegishli bo‘lib, u 1966-yili Gyronaut X-1 modelida soatiga 395,363 km tezlikda harakatlana olgan. Triumph kompaniyasining monokok (bunday qurilmalar yagona korpusga ega bo‘lib, ayni korpusdan boshqa tashuvchi konstruksiya bo‘lmaydi) rusumidagi «stimlayner»lari 1955- 1970 yillar oralig‘ida eng tezkor mototsikllar hisoblangan.

2010-yildan dunyoning eng tez stimlayneri maqomi Ack Attack qurilmasiga tegishli. U, Roki Robinson boshqaruvida ayni shu Bennevil ko‘lida soatiga 605,7 km tezlikda harakatlangan.