Chexiyada terrorchilar Ebola virusini tarqatish bilan tahdid qildi

Chexiya politsiyasi Sloveniya va Shvetsiya huquq-tartibot muassasalari Chexiyada terakt amalga oshirmoqchi bo‘lganlarni qo‘lga olganini ma'lum qildi. Jinoyatchilar ichimlik suvini zaharlash va Ebola virusi tarqatish bilan tahdid qilgan va bu jinoyatlaridan voz kechish uchun Chexiya hukumatidan katta pul so‘ragan.   

"Gumonlanuvchilar savdo markazlarida Ebola virusini tarqatish bilan tahdid qilgan. Ular shuningdek ichimlik suvi rezervuarlarini zaharlamoqchi bo‘lgan", deb ma'lum qilindi.

Shvetsiyada mahalliy ta'lim muassasalaridan birining talabasi qo‘lga olingan, u ilmiy laboratoriyadan zaharli moddalarni olib chiqqan. Politsiyada talaba laboratoriyadagi saqlagichdan zaharli modda olayotgani videosi bor. Uning sloveniyalik sherigi xavfli yukni Chexiyaga yetkazishi kerak bo‘lgan. 

Hozircha dalillar to‘planmoqda, ayni vaqtda gumonlanuvchilarga ayblov qo‘yish uchun ular yetarlicha emas.