«Manchester Siti» va Gvardiola mavsumni g‘alaba bilan boshladi

Angliya Premer-ligasining 1-turida «Manchester Siti» jamoasi o‘z maydonida «Sanderlend»ni qabul qildi.

Uchrashuvning 4-daqiqasida Serxio Aguero penaltidan gol urib, jamoasini hisobda oldinga olib chiqdi.

O‘yinning 71-daqiqasiga kelib Jyermeyn Defo muvozanatni tiklagan bo‘lsa, 87-daqiqada «Manchester Yunayted»dan «Sanderlend»ga o‘tgan Makneyr o‘z jamoasi darvozasini ishg‘ol qilib qo‘ydi.

Shunday qilib, Xosep Gvardiola boshchiligidagi «shaharliklar» ilk rasmiy o‘yinda 2:1 hisobida g‘alaba qozondi.

Qayd etish kerakki, Gvardiola o‘z faoliyatidagi yettinchi mavsumni ham g‘alaba bilan boshladi.

Bunga qadar Gvardiola qo‘l ostida «Barselona» qatorasiga uch marta Ispaniya chempionatini, so‘ng «Bavariya» qatorasiga uch marta Germaniya chempionatini g‘alaba bilan boshlagan edi.

«Manchester Siti» - «Sanderlend» - 2:1
Gollar: Aguero (4,pen), Makneyr (87, avtogol) - Defo (71).

«Manchester Siti»: Kabalero, Sanya, Stounz, Kolarov, Klishi (Ixeanacho, 80), Fernandino, de Bryuyne, Nolito (Navas, 59), Silva (Delf, 64), Sterling, Aguero 
«Sanderlend»: Mannone, Lav, Kone, Kabul, O’Shi, Roduell, Guch (Xazri, 65), Uotmor (Yanuzay, 64), van Anxolt, Defo (Makneyr, 83), Borini
Ogohlantirishlar: Guch (42), Lav (67), Kolarov (90).