Rio-2016 olimpiadasida O‘zbekiston vakillari yunon-rum kurashi bo‘yicha bahslarga kirishdi.
59 kilogrammgacha bo‘lgan vazn toifasida ishtirok etayotgan Elmurot Tasmurodov saralash bosqichidan ozod etilgandi va bugun nimchorak finalda serbiyalik Kristiyan Frisga qarshi gilamga chiqdi.
U bellashuv davomida raqibdan yaqqol ustunlik qildi va 7:2 hisobida g‘alaba qozonib, chorak finalga yo‘l oldi.
Uning keyingi bosqichdagi raqibi KXDRlik Yun Von Chol bo‘ladi.
